E' scomparso Attilio Mingolla.

di Oritano, 9.10.2008 (foto tratta da www.carpediemoria.it)

E' scomparso all'età di 87 anni Attilio Mingolla.
Nato nel 1921 è stato combattente in Africa settentrionale durante il secondo conflitto mondiale. Nel giugno del 1942 fu gravemente ferito e ricoverato all'ospedale militare di Tobruk, da cui, appena fu nelle condizioni di essere trasportato, venne trasferito al "Celio" di Roma, ove rimase per ben cinque mesi.
Nel 1947, quale invalido di guerra, fu assunto all'Arsenale della Marina Militare di Taranto ed impiegato presso i magazzini di Oria (Brindisi). Col passare degli anni le sue condizioni di salute sono divenute sempre più precarie per l'aggravarsi delle vecchie ferite di guerra fino a subire alcuni anni fa l'amputazione della gamba sinistra.
Attilio Mingolla, da pensionato, ha iniziato a scrivere versi in vernacolo, producendo oltre duecento composizioni di vario genere raccolte nel libro "Cosi Nuestri". Quantunque privo della naturale autonomia e costretto a vivere in casa su una sedia a rotelle, Attilio ha conservato sempre integra la sua passione per la poesia.

ORRIA MIA
15 febbraio 1979 - Attilio Mingolla

Orria bedda, Orria mia,
tu si’ totta ‘nna puisia,

‘ncurunata si’ di gloria,
pircé ricca si’ di storria.

Ti la Puglia si’ la scemma,
pircé tieni cuddu stemma,

‘nnu castiedd’assa ‘mpunenti
ca fo reggia ti putienti.

‘nna liggenna ‘ppassiunata,
ti ‘nna storria travagghiata

‘nni ricorda cu tristezza,
ca pi ffa’ cuesta furtezza,

‘nna piccinna fo’ pricata
e di sobbra frabbicata;

pi crià li pitamienti
cchiù sicuri, cchiù putienti,

cu ddiventunu cchiù forti
contro ‘ncuarchi malasorti.

Cuedda mamma sbinturata
ca la figghia fo pricata,

intr’a cuddu skattacori
pi sfucà tanta tulori,

li minou ‘nna sentenza,
ca ci ‘ncuarchetunu penza,

cuedda sorti iastimata
pari sia ca s’è ‘vvirata:

“comu fuma custu cori
pilu strazi’ e lu tulori,

cussì Orri’a dda fumari
cu si ponnu rricurdari”.

Certu ch’è ‘nnu fattu stranu,
ci lu uardi ti luntanu,

‘stu paisi cussì iertu
ti fumori sta cupiertu.

Cuedda usanza dissumana
a cuedd’epuca pacana

facia parti ti ‘nnu ritu
ca nisciunu l’è capitu;

ma però nna cos’è certa
‘stu castieddu rest’all’erta.

Cicaluni e tirrimoti
no ‘nc’è forza ca lu scoti;

e no l’onnu ma’ mancati
tutti sti calamitati.

Sembra ‘nnu gicanti bbuenu
situatu ‘ntra ‘nnu tronu

comu sia ca ddetta leggi,
‘stu paisi sta pruteggi.

Fitiricu ‘Mpiratori,
ch’era ‘nn’omu ti valori,

‘stu paisi prifiriu
a cuant’atri pussitiu.

Sembra faula ‘sta storria
ca ‘nni faci ‘sta mimorria,

ti ‘nna nobili Prusàpia
ti lu regnu ti Missàpia,

fortunata a ‘llu taveru
si’ la megghiu ti ccuà mmeru.

Iu so’ figghiu ti ‘sta terra,
ca ‘stu vantu no si scerra,

ti dimostru cu l’affettu
ca ‘sti versi a ‘ndialettu,

sontu scritti cu lu cori
sintimient’e tant’amori.

Iu so tanta ‘nnamuratu
ca ti cuannu ccuà so natu,

biniticu lu passatu
ti ‘stu giurnu furtunatu;

tu si’ l’atra mamma mia,
Orria bedda, Orria mia!

Posted in: Cronaca